43

جمہوریت کا تماشا بنانے پر(ن) لیگ اراکین کے سرشرم سے جھک جانے چاہئیں،عمران خان

 اسلام آباد: 

تحریک انصاف کے چیئرمین عمران خان نے کہا ہے کہ مسلم لیگ( ن) کے اراکین نے ثابت کر دیا کہ ایوان میں ان کا مقصد شریف مافیا کی کرپشن کو بچا نا ہے۔نااہل شخص کے پارٹی سربراہ بننے پرپابندی کا بل قومی اسمبلی سے مسترد ہونے پر عمران خان کا اپنی ٹوئٹ میں کہنا تھا کہ آج کے معاملے سے قوم کو پیغام گیا کہ کرپٹ ہونے میں کوئی برائی نہیں، اخلاقیات جمہوریت کا بنیادی اصول ہے لیکن آج (ن) لیگ نے اس اصول کی نفی کرتے ہوئے اپنے لیڈر کو قانون سے بالا ثابت کرنے کی کوشش کی۔

The PMLN MNAs also showed that their only purpose in the parliament is to protect the Sharif mafia’s corruption. In a democracy moral authority is a core principle. Today that was negated by PMLN which sought to place their corrupt ldr above all laws. https://twitter.com/ImranKhanPTI/status/932993634416422914 

عمران خان نے اپنی ٹوئٹ میں لکھا کہ نااہلی کےباوجودنوازشریف کوپارٹی سربراہ برقرار رکھنےکی منظوری دی گئی،جمہوریت کا تماشا بنانے پر مسلم لیگ (ن)اراکین کے سر شرم سے جھک جانے چاہئیں۔

واضح رہے کہ قومی اسمبلی میں نااہل شخص کے پارٹی سربراہ بننے پر پابندی سے متعلق اپوزیشن کا بل کثرتِ رائے سے مسترد کردیا گیا۔رائے شماری میں بل کی مخالفت میں 168 جب کہ حق میں 98 ووٹ آئے۔

اس خبر پر اپنی رائے کا اظہار کریں