25

ایف بی آر ٹیکس وصولیوں کے ہدف میں ناکام

اسلام آباد: فیڈرل بورڈ آف ریونیو رواں مالی سال کے پہلے ماہ میں آمدنی کا ہدف حاصل کرنے میں ناکام ہو گیا۔

ایف بی آر کی جانب سے 700 ارب روپے کے نئے ٹیکس لگانے اور گزشتہ ماہ(جولائی 2019 ) کیلیے مقررہ ہدف میں 8 ارب روپے سے زائد کی کمی سمیت تمام تر کوششوں کے باوجود فیڈرل بورڈ آف ریونیو رواں مالی سال کے پہلے ماہ میں آمدنی کا ہدف حاصل کرنے میں ناکام رہا۔

جولائی کے لیے ریونیو کا ہدف 291.5 ارب روپے مقرر کیا گیا تھا مگر ایف بی آر تقریباً 14 ارب روپے کی کمی سے 278 ارب روپے ہی اکٹھے کرسکا۔ یوں ایف بی آر نے نئے مالی سال کا مایوس کن انداز میں آغاز کیا ہے جس کے لیے ریونیو کا ہدف 50 کھرب 50 ارب روپے رکھا گیا ہے۔

اس خبر پر اپنی رائے کا اظہار کریں